A Fundación Dorzán colabora con Cáritas na atención social a persoas maiores de 60 anos.
A Fundación Dorzán achega 20.000 euros ao proxecto de emerxencia social: “Acompañote-2024”
A directora de Cáritas Diocesana de Ourense, María Tabarés e o vicepresidente da Fundación Dorzán, Secundino #Vidal, asinan un convenio para o desenvolvemento dun proxecto enfocado especialmente contra a soidade non desexada dos maiores: “Acompaño-che 2024”.
Cáritas será a encargada de implementar este proxecto durante 2024, dirixido a mellorar a calidade de vida e ao mantemento da autonomía das persoas maiores de modo que poidan, na medida do posible, seguir envellecendo no seu propio fogar.
A loita contra a crecente soidade non desexada dos maiores e a precariedade derivada da actual situación económica son o principal obxectivo do programa. Para iso prestarase apoio telefónico e presencial, acompañamento en trámites #ante a administración e organismos privados, tramitaranse axudas directas para complementar coberturas básicas de vivenda, alimentación, subministracións e gastos farmacéuticos e sanitarios non cubertos polo sistema público.
A dotación do proxecto que financia a Fundación Dorzán ascende a 20.000 euros e está enfocado a maiores de 60 anos en situación vulnerable e de emerxencia social.
Colaboran
