Compartir:
O mércores, 23 de setembro, tivo lugar o acto público dun novo acordo de colaboración entre a FUNDACIÓN DORZÁN e AFAOR, froito da confluencia de fins e obxectivos similares de ambas as entidades: axudar ao maior e ás súas familias para mellorar a súa calidade de vida.
D. Secundino Vidal Rodríguez, Vicepresidente da Fundación Dorzán, e Dª Mª Dolores Neira Rodríguez, Vicepresidenta de AFAOR, asinaron o acordo para a realización da 5ª edición do curso "Atención especializada a persoas maiores dependentes", destinado a familiares, coidadores ou profesionais que desen traballar con este colectivo.
