O venres 17 de Abril tivo lugar na Facultade de Ciencias da Educación do Campus de Ourense, o acto de clausura da terceira edición do curso "Intervención socieducativa con persoas afectadas de alzheimer", organizado pola Universidade de Vigo, Afaor e a Fundación Dorzán, que contou coa presenza de Antonio Fernández (Secretario da Facultade de Ciencias dá Educación), Juan Cid Pérez (membro da Xunta Directiva de Afaor) e Juan Ramón Álvarez Blanco (Presidente da Fundación Dorzán).
Os vinte alumnos participantes, entre os que había tanto estudantes da Facultade de Ciencias dá Educación, especialmente de Traballo e Educación Social, como profesionais do sector das Ciencias da Saúde, recolleron os diplomas que acreditan os seus coñecementos especializados nesta materia e a súa capacitación para traballar con enfermos de alzheimer.
Durante o curso, celebrado nos meses de febreiro, marzo e abril, que financiou na súa totalidade a Fundación Dorzán, os alumnos adquiriron coñecementos xerais da enfermidade, coñeceron os diferentes tratamentos non farmacolóxicos que se poden desenvolver para estimular e coidar o paciente, se achegaron aos aspectos legais que afectan a esta doenza e viron como funcionan as asociacións que axudan a este colectivo.
Compartir:
