O pasado 27 de novembro tivo lugar a entrega de diplomas do curso “Atención especializada a persoas maiores dependentes 2015”, organizado e financiado na súa totalidade pola Fundación Dorzán.
O acto celebrado nas instalacións da residencia Dorzán-Geriatros en Piñor , contou coa participación de Angeles Branco (Presidenta de AFAOR), José Manuel Solla (Director de Geriatros) e Juan Ramón Álvarez Branco (Presidente da Fundación Dorzán).
O curso celebrado durante os meses de outubro e novembro e que este ano alcanzou a súa quinta edición, foi declarado de Interese Sanitario pola Consellería de Sanidade e un total de vinte alumnos recibiron un diploma acreditativo dos seus coñecementos especializados nesta materia e da súa capacitación para a atención especializada a persoas maiores dependentes.
Compartir:
