La Región e a Fundación Dorzán convocan a cuarta edición do seu certame de relatos e ilustracións, que fomenta as relacións interxeracionais e que estará aberto para recibir traballos ata este luns, día 8 de novembro. Por cuarto ano consecutivo, chega o concurso de relato e debuxo "Novos e maiores", unha proposta para poñer en valor as relacións interxeracionais e resaltar o papel que os máis veteranos poden ter na educación dos máis novos.
A temática das obras terá que versar sobre o nexo novos-maiores en catro eixos: a relación dos nenos cos seus avós ou as persoas maiores da súa contorna, o vínculo interxeracional de maiores e novos, a continuidade das relacións afectivas neto avó e a integración das persoas maiores na familia e na sociedade.
Como cada ano, o certame está aberto a todo o alumnado de Educación Primaria, Secundaria e Educación Especial de calquera centro educativo da provincia de Ourense e adultos a partir de 65 anos. Haberá dúas categorías. Na primeira estableceranse tres subapartados para alumnos do primeiro ciclo de Primaria (primeiro, segundo e terceiro curso) conxunta de debuxo e redacción, unha segunda para o segundo ciclo (cuarto, quinto e sexto curso), unha terceira para os alumnos de toda a ESO e unha quinta para estudantes de Educación Especial. Na segunda categoría premiaranse os traballos de debuxo e redacción dos maiores de 65 anos. No segundo ciclo de Primaria e ESO entregaranse dous premios diferentes: un na categoría de debuxo e outro na de redacción.
O certame da Región e a Fundación Dorzán celebra este ano a súa cuarta edición
O prazo de inscrición para o concurso, que o ano pasado recibiu máis de 600 traballos, estará aberto ata o 8 de novembro.
Colaboran
