No Campus Universitario de Ourense celebrouse a presentación da segunda edición do curso "Atención especializada a enfermos de Alzheimer", froito da colaboración entre a Universidade de Vigo, AFAOR e a Fundación Dorzán. Ao acto celebrado nas instalacións da Universidade asistiron Dª. María Lameiras Fernández, Vicereitora do campus de Ourense, D. Oscar Doval, Xerente de Afaor, e D. Juan Ramón Álvarez Blanco, Presidente da Fundación Dorzán.
Esta iniciativa formativa, que financia a Fundación Dorzán, desenvolverase durante os meses de febreiro, marzo e abril, e terá unha duración de sesenta horas, das cales corenta serán teóricas impartidas na Facultade de Ciencias da Educación e vinte de prácticas que se desenvolverán nas instalacións de Afaor, onde os alumnos vivirán a situación real de atender a pacientes con esta enfermidade e coñecerán de primeira man as terapias que aplican na asociación. Está dirixido principalmente á formación de alumnado universitario e a profesionais que traballan ou poden traballar con estes pacientes, como traballadores sociais, psicopedagogos, psicólogos e terapeutas ocupacionais. Declarado de "Interese Sanitario" pola Consellería de Sanidade e recoñecido pola Universidade con 2 créditos ECTS e 3 créditos de plans a extinguir.
A Fundación Dorzán aposta pola formación, e neste caso pola formación especializada, como elemento crave para facilitar o acceso a coñecementos e técnicas específicas para o coidado de persoas cunha enfermidade cada vez máis estendida como é o alzheimer. Contribuír, a través da formación, a mellorar o coidado das persoas que padecen este tipo de demencia e abrir a posibilidade dunha nova vía laboral para os alumnos, nun sector necesitado de profesionais con coñecementos específicos sobre a materia, son os dous principais obxectivos deste curso” destacou en presidente da Fundación, Juan Ramón Álvarez Blanco. Pola súa banda, a vicereitora do Campus, María Lameiras, agradeceu a implicación das entidades neste curso e prometeu manter esta colaboración para "mellorar a empleabilidad dos nosos estudantes". Oscar Doval, Xerente de Afaor, indicou que "segundo os datos que manexa a asociación, o peso do alzheimer na sociedade ourensana é tal que, das 6.000 persoas que, aproximadamente, poderían estar afectadas por demencia senil, máis do 50% poderían ter alzheimer.
Compartir:
